ტურისტების სავალდებულო დაზღვევა.
„ტურიზმის შესახებ“ საქართველოს კანონის თანახმად, საქართველოში შემომსვლელი ტურისტებისთვის სავალდებულო გახდა ჯანმრთელობისა და უბედური შემთხვევის დაზღვევის პოლისის ქონა.
2026 წლის 1 იანვრიდან საქართველოს ტერიტორიაზე შემოსვლისას ტურისტი ვალდებულია თან იქონიოს დაზღვევის პოლისი:
- მატერიალური ან ელექტრონული ფორმით;
- ქართულ ან ინგლისურ ენაზე.
➤პოლისის სადაზღვევო თანხა, სავალდებულოა შეადგენდეს არანაკლებ 30 000 ლარს.
➤პოლისი შეიძლება გაცემული იყოს როგორც ქართული, ასევე უცხოეთის სადაზღვევო კომპანიის მიერ.
პოლისი უნდა ითვალისწინებდეს:
- გადაუდებელი ამბულატორიული მომსახურების მინიმუმ 5,000 აშშ დოლარის ოდენობას;
- სტაციონარული მკურნალობის მინიმუმ 30,000 აშშ დოლარის ოდენობას;
- უბედური შემთხვევების, დაზიანებებისა და უეცარი დაავადებების დაფარვას;
- სამედიცინო ევაკუაციას და რეპატრიაციას.
პოლისში საჭიროა აღნიშნული იყოსშემდეგი მონაცემები:
- დაზღვევის მხარეები,
- დაფარული ტერიტორია,
- დაზღვევის საგანი,
- დაზღვევი სდაწყებისა და დასრულების დრო,
- სადაზღვევო რისკები,
- სადაზღვევო თანხის ოდენობა (ლიმიტები),
- სადაზღვევო შესატანის მოცულობა,
- გადახდის ადგილი და ვადა.
ზემოხსენებულთან ერთად, გასათვალისწინებელია, რომ ტურისტს, ჯანმრთელობა და უბედური შემთხვევა, საჭიროა დაზღვეული ჰქონდეს, საქართველოში შემოსვლიდან, გასვლის დღის ჩათვლით (ანუ მისი დაყოვნების სრულ პერიოდზე).
